બીઆઈએસ, અમદાવાદ દ્વારા ‘ઈલેસ્ટોમેરિક ઈન્સ્યુલેશન અને ઈલેક્ટ્રીક કેબલ્સના આવરણ માટેનાં સ્પેસિફિકેશન’ પર માનક મંથનનું આયોજન
ભારતીય માનક બ્યુરો (બીઆઈએસ) એ આપણા દેશની રાષ્ટ્રીય માનક સંસ્થા છે જે બીઆઈએસ એક્ટ 2016 હેઠળ અર્થતંત્રના વિવિધ ક્ષેત્રોને આવરી લેતા ઉત્પાદનો, પ્રક્રિયા અને સેવાઓ માટે ભારતીય માનકોને ઘડવા માટે ફરજિયાત બનાવવામાં આવ્યું છે અને અનુરૂપ મૂલ્યાંક યોજનાઓ ઘડવા તેમજ અમલ કરવા માટે પણ જવાબદાર છે, જે માનકોના અમલીકરણનો અને ગુણવત્તાના પ્રમાણીકરણ પર દેખરેખ રાખે છે.
બીઆઈએસ અમદાવાદે 25મી જાન્યુઆરી 2023ના રોજ ઘડવામાં આવેલા માનક ‘ઈલેસ્ટોમેરિક ઈન્સ્યુલેશન અને ઈલેક્ટ્રીક કેબલના આવરણ માટેનાં સ્પેસિફિકેશન’ અને ‘ઈલેક્ટ્રીક કેબલ માટે ડ્રમ માટેનાં સ્પેસિફિકેશન’ પર માનક મંથનનું આયોજન કરવામાં આવ્યું હતું. રાજ્ય વીજળી વિભાગ, સરકાર માન્ય લેબ, ઉત્પાદકો, એન્જિનિયરિંગ કોલેજોના પ્રોફેસરો જેમાં એલ ડી એન્જિનિયરિંગ કોલેજ, વિશ્વકર્મા એન્જિનિયરીંગ કોલેજ અને ગુજરાત યુનિવર્સિટી જેવા વિવિધ ક્ષેત્રોનાં 30થી વધુ સહભાગીઓએ કાર્યક્રમમાં સક્રિયપણ ભાગ લીધો હતો અને મૂલ્યવાન પ્રતિસાદ/સૂચનો આપ્યા હતા. માનક મંથન એ નવા ઘડવામાં આવેલા ભારતીય માનકો અથવા વ્યાપક પરિભ્રમણ હેઠળના માનકો પર ચર્ચા કરવા માટે, દર મહિને બીઆઈએસ દ્વારા આયોજિત કરવામાં આવતો એક કાર્યક્રમ છે.
આઈએસ 6380:2022 એ ઈલેસ્ટોમેરિક ઈન્સ્યુલેશન માટેની ટેકનીકલ આવશ્યકતાઓને સ્પષ્ટ કરે છે, જેનો વ્યાપકપણે કેબલના ઉત્પાદનમાં ઉપયોગ થાય છે.
આઈએસ 10418:2022 એ કેબલ ઉદ્યોગોમાં વપરાતા લાકડાના ડ્રમની જરૂરિયાતોને સ્પષ્ટ કરે છે.
સલામતી, ગુણવત્તા અને ટકાઉ વિકાસને સંબંધિત ક્ષેત્રોમાં નવીનતમ વિકાસને ધ્યાનમાં રાખીને ઉપરોક્ત માનકો ઘડવામાં આવ્યા છે. માનકો વિવિધ ટેકનીકલ પરિમાણોને સંબોધિત કરે છે, જેમાં વિવિધ પર્યાવરણીય પરિસ્થિતિઓ હેઠળ ઈન્સ્યુલેશનની કામગીરીનો સમાવેશ થાય છે. આઈએસ 10418 વિવિધ કેબલ માટે યોગ્ય લાકડાના ડ્રમ્સની પરિમાણીય અને બાંધકામની જરૂરિયાતો આપે છે.
શ્રી સુમિત સેંગર, બીઆઈએસ, અમદાવાદના નિદેશક અને પ્રમુખ તેમની સક્રિય ભાગીદારી અને મૂલ્યવાન સૂચનો માટે તમામ શ્રોતાઓનો આભાર માન્યો હતો. તેમણે માહિતી આપી હતી કે આવા સૂચનો આપણા ભારતીય માનકોને વધુ મજબૂત બનાવે છે, જે અંતિમ વપરાશકર્તા અને હિસ્સેદારો બંનેને મદદરૂપ છે. માનકમાં જરૂરી ફેરફારોને સામેલ કરવા માટે બીઆઈએસની ટેકનીકલ કમિટી સાથે સંપર્ક કરવા માટે અને માનકો પરની ટિપ્પણીઓ, અમને અમારા ઈમેઈલ આઈડીઃ ahbo@bis.gov.in પર મોકલી શકાય છે.
